跳到主要內容

發表文章

目前顯示的是 7月, 2017的文章

老公生日二人世界之『蠔』食Buffet 【生日半價每位只需275/位】

原本Book左灣仔自助山同老公慶祝生日,但過海超塞車,臨急臨忙Book左另一間係新埔崗既酒店自助餐。 結果充滿驚喜 (應該老婆才會覺得驚喜,女朋友的話應該中途落車走人) -- 最重要係每人只需$275(原價$458加一,Facebook生日月半價再加一):有Coffin Bay生蠔、有魚生、有鵝肝、有燉湯 ... ... 絕對超值。 7月14-8月31日 生日既朋友記得約埋一齊去擦餐勁!生日快樂啊! 有相有真相,我同老公都係7月生日, 只需埋單時在收據上寫上自己Facebook名稱及生日便可享有半價優惠,連ID都唔洗Check 【潮食街】位於新蒲崗六合街19號  香港九龍貝爾特酒店  1樓 入口處還有桌球玩 我們坐的位置靠近【鑊鮮】,可以方便看到有多少人排隊取生蠔。 這裡的生蠔來自澳洲Coffin Bay,每人每次限取4隻,我一個人便食左16隻,超正! (已經回本😋😋) 生蠔以外仲有螺 (無沙、鮮甜)、熟蝦、青口同長腳蟹 (蟹腳偏咸) 8款熱葷,有羅漢齋、有炒飯、(熱的)口水雞、同唔夠酸既冬陰功 可能係平日人唔多既關係,這裡的熱葷好似沒有refill過 另一邊的Open Kitchen有即整串燒、葡式乳豬、煎鵝肝、燒牛肉等。當中兩個驚喜位 1. 燒味旁有電飯煲,白飯任食 (小朋友唔怕餓親) 2. 菠菜芝士釀磨菇 (甚少係自助餐食到) 即整粥、麵 (牛骨湯底的越南湯粉), 點心、 天婦羅(種類只有軟殼蟹和南瓜,但軟殼蟹非常鮮甜仲好多肉) 原盅燉湯及自家製豆腐花是另一回本必試 多款刺身,新鮮好味 另外還有沙律、凍肉、芝士 (我一樣都無食,要留肚飲湯同食生蠔) 甜品區的選擇不算多,較少見既是芒果糯米飯。 味道方面就要等大家試完報告啦 汽水任飲的自助餐真的少見,抵讚! 好耐無食過咁抵既自助晚餐 今晚既亮點當然係生蠔、魚生及燉湯; 甜品我則喜歡中式的豆腐花、紅棗雪耳元肉及蒸馬蹄糕 值得一提是有齊粥粉麵飯,帶小朋友去都唔怕無野食! 酒店設施:有Game Room、桌球及電腦玩 (與自助餐為同一層 ),帶住小朋友去都可以有些少娛樂 唯一可